Быйыл XVII тѳгүлүн ыытыллар өрөспүүбүлүкэтээҕи «Көтүөххэ үрдүккэ хотойдуу» уоланнар ааҕыыларыгар Н. С. Степанов аатынан Бүлүү 3-с нүөмэрдээх орто оскуолатын «Уолан» бѳлѳҕѳ (8, 10, 11 кылаас уолаттара) ситиhиилээхтик кытынна. Бу күрэх быйылгы уратытынан икки түhүмэҕинэн ыытыллыыта буолар. Бастакы туhумэххэ кэтэхтэн видеонан кыттыы буолбута. Ол түмүгүнэн оҕолор Дьокуускай куоракка «Сосновай бор» лааҕырга икки нэдиэлэ ыҥырыллыбыттара. Манна кинилэр сынньанан, дьарыктанан, элбэх сана доҕордонон, үгүhү билэн, сайдан, театрга, музейга сылдьан, түмүктүүр ааҕыыларыгар алтынньы 28 күнүгэр Оҕо дыбарыаhыгар кытыннылар уонна иккис бириистээх миэстэҕэ тигистилэр. Маны таhынан, бѳлѳх «Куйаар ситимин кыайыылаахтара» анал ааты ылан, «Сосновай бор» сайыҥҥы лааҕырыгар биир босхо путевканан наҕараадаланна.
Н. С. Степанов аатынан Бүлүү 3-с нүөмэрдээх орто оскуолатын «Уолан» бөлөҕе » Көтүөххэ үрдүккэ хотойдуу » ааҕыыларга 2012 сылтан кыттар. Бу бастакы кыттыыга бѳлѳх «Алгыс» СК уус-уран салайааччыта Алексеева Мария Степановналыын икки салайааччылаах кыттыбыта. Быйылгы ааҕыыларга Алексеева М.С. эмиэ оҕолору салайыста. Видеоролигы «Алгыс» оператора Менкяров Л. Г. таҥан оҥорбута.
Быйылгы үбүлүѳйдэрдээх сылга «Уолан» салайааччыта саха тылын уонна литературатын учуутала Муксунова М. К. түѳскэ кэтиллэр үрүҥ кѳмүс «Хотой» бэлиэнэн наҕараадаланна.
—
