Олунньу 10 күнүгэр Тааһаҕар нэһилиэгэр умнуллубат кэрэ бэлиэ күн буолан ааста. Билиигэ-көрүүгэ сирдиир, үтүөҕэ-кэрэҕэ угуйар, сырдыгынан сыдьаайар үөрэх кыһата — 
икки мэндиэмэннээх таас оскуола дьиэтэ арылынна.
Үөрүүлээх түгэни үллэстэ кэллилэр ытык-мааны ыалдьыттар: Саха Өрөспүүбүлүкэтин Бырабыытылыстыбатын бэрэссэдээтэлин солбуйааччыта Сергей Васильевич Местников, «Бүлүү улууһа (оройуона)» муниципальнай тэриллии баһылыга Сергей Николаевич Винокуров, Саха Өрөспүүбүлүкэтин Ил Түмэн Государственнай мунньаҕын депутаттара Гоголев Александр Васильевич, Захарова Ньургуяна Федоровна, «СТК» хаарчахтаммыт эппиэтинэстээх тэрилтэ генеральнай дириэктэрэ Заболоцкай Анатолий Прокопьевич, Бүлүү оройуонун депутаттарын сэбиэтин бэрэссэдээтэлэ Корякин Гаврил Семенович.
Оскуолаҕа Местников С.В. 100 экземплярдаах уус-уран литература кинигэтин ыларга сертификат, Гоголев А.В. 50.000 солкуобайдаах сертификат, Захарова Нь.Ф. күпсүүр сахалыы музыкальнай инструмент наборун, Корякин Г.С., «Бөтүҥ нэһилиэгэ» муниципальнай тэриллии баһылыга Прокопьев А.И. бэлэхтэрин туттардылар, эҕэрдэ тылларын анаатылар, баҕа санааларын тиэртилэр.
