Сэтинньи 11 күнүгэр Бүлүү улууһун үөрэх управлениетын специалистара методическай көмө оҥорор сыаллаах Дьөккөҥҥө «Ыллыкчаан» оҕо саадыгар үлэлээтилэр. Бастаан детсады кытта билистилэр. Психолог Дмитриева Ксения Афанасьевна уонна логопед Гоголева Нина Петровна кабинеттарын, группаларга оҥоһуллубут араас муннуктары, оҕону сайыннарар-үөрэтэр эйгэни көрдѳрдүбүт. Оҕолор “Колобок” диэн ааттаах ростовой куклалары кэтэннэр театрализованнай представление көрдөрдүлэр. Салгыы дефектолог Иванова Фекла Викторовна, психолог Мария Валерьевна, логопед Васильева Татьяна Егоровна доруобуйаларынан хааччахтаах оҕолору көрдүлэр, төрөппүттэригэр сүбэ-ама биэрдилэр.
Методическай күн сүрүн сыала-соруга — оҕолорбут саастарыгар сөп түбэһэр сайдыыларын эрдэттэн диагностикалаан көрүү, көмө оҥоруута, иитээччилэр уонна төрөппүттэр сөптөөх көмөнү оҥороллоругар туһаайыы. Методическай күн бастакы аҥаарыгар кыра оҕолор сылдьар группаларыгар оҕолору кытта үлэлээтилэр. Иитээччилэргэ уонна төрөппүттэргэ сүбэ биэрдилэр, биирдиилээн дорҕооннору уонна буукубалары хайдах саҥарарга көрдөрдүлэр. Ону таһынан, специалистар 5 доруобуйаларыгар хааччахтаах оҕолорбутун кѳрдүлэр уонна төрөппүттэрин кытта кѳрсѳн олус наадалаах сүбэлэри биэрдилэр. Оҕолор сайдыыларыгар эбиллии баарын бэлиэтээтилэр.
Күн иккис аҥаарыгар иитээччилэргэ уонна төрөппүттэргэ «Ранняя помощь: диагностика детей раннего возраста по методике Стребелевой» диэн семинар буолла. Төрөппүттэр оҕолорун иитэллэригэр, сайдыыларыгар сөп түбэһэр туһалаах сүбэлэр этилиннилэр, төрөппүттэр өйдөөбөт боппуруостарын тута биэрэннэр хоруйдары иһиттилэр. Оҕолору эрдэ оскуолаҕа биэрээри сылдьар төрөппүттэр эмиэ боппуруос биэрэннэр оҕо сайдыытыгар харгыстар үөскүөхтэрин сөбүн иһиттилэр. Семинар практическай чааһа интэриэһинэйдик ааста, кыра саастаах оҕолору кытта аһаҕас дьарык элеменнарын кѳрдүбүт. Элбэх төрөппүт уонна иитээччи кытынна.
Бүтэһигэр специалистар Мария Валерьевна уонна Татьяна Егоровна иитээччилэргэ уонна специалистарга оонньуулары, эрчиллиилэри “Эмоциональная разгрузка” ыыттылар. Ону таһынан, коллектив тѳһѳ түмсүүлээҕин билэргэ диагностика экспресс-ыйытйнньйк ыыттылар, ол түмүгүнэн коллектив түмсүүлээҕин, үлэлииргэ көхтөөҕүн бэлиэтээтилэр. Маны таһынан, туһааннаах төрөппүттэргэ «Керседяй» диэн анал программаҕа оҕо сайдыытын бэрэбиэркэлиир диагностика ыыттылар.
ОППС специалистарын таһынан үөрэх управлениетын электрига Фомин Андрей кэлэн детсад электрическай ситимин бэрэбиэркэлээтэ, умайбыт лаампалар туохтан умайбакка туралларын биричиинэтин көрдөөн булан туоратта уонна ыйан биэрдэ.
Онон, методическай күн сыалын-соругун ситтэ. “Ыллыкчаан” оҕо саадын коллективын уонна төрөппүттэрин аатыттан махталбын тириэрдэбин. Маннык методическай күннэр инникитин да ыытылла турдуннар!
Альбина Ионовна Ионова.
