Кулун тутар 3 күнүгэр Советскай Союз Герой Н.С. Степанов аатынан үһүс нүөмэрдээх орто оскуола саха тылын уонна литературатын учуутала, РФ итиитин уонна үөрэҕириитин бочуоттаах үлэһитэ, СР үөрэҕириитин туйгуна, Учууталлар династияларын чилиэнэ, Бүлүү куоратыгар уонна Бүлүү улууһун үөрэҕириитин сайдыыларыгар кылаатын иһин бэлиэлэр хаһаайына Муксунова Мария Касьяновна «Наукаҕа бастакы хардыылар» диэн кинигэтин сүрэхтэниитэ үөрүүлээх быһыыга-майгыга ыытылынна.
Бу күн кинигэ ааптарын истиҥ-иһирэх тылларын оскуола дириэктэрэ Иннокентьев Гавриил Владимирович, Бүлүү улууһун саха тылын уонна литэрэтиирэтин учууталларын методическай түмсүүтүн салайааччыта Ольга Самуиловна Каратаева, төрөппүт Алексеева Наталья Дмитриевна, бииргэ үлэлиир коллегалара, үөрэппит оҕолоро, истиҥ доҕотторо эҕэрдэлээтилэр. Ольга Самуиловна улуустааҕы үѳрэх салалтатын начальнигын уонна саха тылын уонна литэрэтиирэтин учууталларын методическай түмсүүтүн эҕэрдэ суруктарын туттарда.
Чинчийэр үлэ олус улахан иитэр уонна үөрэтэр суолталаах, ол курдук Мария Касьяновна «Наукаҕа бастакы хардыылар» кинигэтигэр араас сылларга үөрэппит оҕолорун дакылааттарын тезистэрин түмэн олус интэриэһинэй, учууталга да, үөрэнээччигэ да, төрөппүккэ да туһалаах кинигэ буолан тахсыбытын мустубут дьон сэргии көрдүлэр.
Инникитин Мария Касьяновнаҕа үлэтигэр үрдүк ситиһиилэри, кытаанах доруобуйаны, айар дьоҕура арылла турарыгар, суруйар бөрүөтэ сыппаабатыгар баҕарабы
т.
