Олунньу 25 күнүгэр куйаар ситимин нөҥүө Өрөспүүбүлүкэтээҕи Хомус олимпиадата үрдүк таһымнаахтык буолан ааста. Олипиаданы Сунтаар улууһун үөрэҕин салалтата, Н.М. Родионова аатынан Сунтаардааҕы оҕо айымньытын киинэ, Г.Е. Бессонов аатынан Тойбохойдооҕу республиканскай историко-краеведческай комплекс, Хомус Аан дойдутааҕы түмэлэ тэрийэн ыыттылар. Олимпиадаҕа Бүлүү, Үөһээ Бүлүү, Сунтаар, Ньурба, Мэҥэ-Хаҥалас, Уус-Алдан улуустарыттан уопсайа 120 үөрэнээччи көхтөөх кыттыыны ыллылар. Биһиги улуустан Бүлүүтээҕи 1 №-дээх алын сүһүѳх оскуола, Бүлүүтээҕи 3 №-дээх орто оскуола, Бүлүүтээҕи 2 №-дээх орто оскуола, Чернышевскай, Чочу, Дьөккөн, Хампа орто оскуолаларыттан 3-4 кылаас үөрэнээччилэриттэн уопсайа 20 үөрэнээччи көхтөөх кыттыыны ыллылар.
Олимпиада 3 түһүмэҕинэн тургутук тестированиялары, ону таһынан 5 оҕобут хомус тардан бэйэлэрин сатабылларын көрдөрдүлэр. Онлайн тестирование түмүгүнэн: 2 миэстэ Осипова Динара (Бүлүүтээҕи 3 №-дээх орто оскуола), Егоров Айаал (Бүлүүтээҕи 2 №-дээх орто оскуола), 3 миэстэ Каратаева Иванна (Бүлүүтээҕи 1 №-дээх алын сүһүѳх оскуола), Прокопьев Айвар (Бүлүүтээҕи 2 №-дээх орто оскуола). Маны таһынан улуустан 5 бастыҥ көрдөрүүлээх оҕолорунан буоллулар: Каратаева Сандаара (Бүлүүтээҕи 1 №-дээх алын сүһүѳх оскуола), Еремеева Амелия (Бүлүүтээҕи 1 №-дээх алын сүһүѳх оскуола), Прокопьева Дайаана (Бүлүүтээҕи 3 №-дээх орто оскуола).
Хомус олимпиадата бу билиҥҥи информационнай технология сайдыбыт үйэтигэр оҕону сахалыы тыыҥҥа иитиигэ туһаайыллыбыт сэргэх тэрээһини тэрийэн салайан, үрдүк таһымнаахтык ыыппыккытыгар Сунтаар улууһун үөрэҕин салалтатыгар, Хомус музейыгар, проект авторыгар А.К. Никитинаҕа, бары кыттыыны ылбыт оҕолорго, салайааччыларга махтанабыт, өссө да үрдүк ситиһиилэри баҕарабыт!
Вера Иннокентьева, ИМО кылаабынай специалиһа
