Ыам ыйын 12-18 күннэригэр Герой-Куорат Севастопольга байыаннай-патриоческай 14-c Бүтүн Россиятааҕы кадетскай кылаастар Слёттара үрдүк таһымҥа ыытылынна. Дойду араас муннуктарыттан үс сааһынан бөлөххө арахсан, уопсайа 19 хамаанда кыттыыны ылла.
Ол курдук, Үлэ Геройа Варвара Петровна Трофимова аатынан Өкүндү оскуолатын «Сокол» хамаандата, республикаттан соҕотох баран кыттан, үөрүү үктэллээх кэлбитэ. Нэдиэлэ тухары оҕолорго араас хатыламмат күрэхтэһиилэр ыытылыннылар, күрэхтэһии быыһыгар оҕо сынньалаҥын тэрийэргэ, Герой- Куорат Севастопольга, байыаннай аэродромҥа, о.д.а сирдэринэн эскурцияларга сырытыннардылар.
Элбэх ыһыылаах-хаһыылаах, эмиэ да харах уулаах, эмиэ да кыайыы аргыстаах күрэхтэһии түмүгүнэн «Сокол» хамаанда кэккэ ситиһиилэрдээх, ол курдук
- Петрова Мария «Кыайыыга дьулуурун иһин» анал аат кыайыылааҕа;
- Байыаннай-патриотическай ырыалары толоруу күрэҕэр «Төрөөбүт төрүт тылынан ырыаны арыйыы” анал аат кыайыылаахтара;
- Нуучча биллэр үгэһитэ Иван Крылов үгэлэрин толоруу күрэҕэр «Бастыҥ оруолу арыйыы» анал аат кыайыылааҕа Дарьяна Ринчинова;
- Канат тардыһыытыгар 2 миэстэ;
- Хамаанда символикатын көмүскээһиҥҥэ 2 миэстэ;
- Хаһыат таһаарыыга «Айар дьоҕур» анал аат кыайыылааҕа.
Эһиилги үбүлүөйдээх 15-с Слет Улуу Кыайыы 75 сылыгар аналлаах Герой – Куорат Ленинградка буолара күүтүллэр.
Түгэнинэн туһанан, үѳрэх управлениетын начальнигар Семенова Н.М., оскуолабыт директорыгар, Россия Кадетскай корпустарын подполковнигар Кривошапкина Н.И., оҕолорбутун бэлэмнээбит оскуола хамаандатыгар уонна тѳрѳппүттэрбитигэр махтал тылларын аныыбыт.
Хамаанда салайааччылара Надежда Петровна Кузьмина,
Борис Николаевич Васильев
