Ыам ыйын 7 күнүгэр Бүлүү куоратыгар үѳрэх үлэһиттэрэ тыыл бэтэрээннэрин, сэрии сылларын оҕолорун чиэстээһиннэрин үрдүк таһымнаахтык тэрийэн ыыттылар. Хас биирдии үѳрэх тэрилтэтэ бэйэлэригэр сыһыарыллыбыт урукку сылларга үлэлээбит ветераннарын ыҥыраннар, минньигэс астаах сандалы, махтал тыллаах эҕэрдэлэри, хас биирдиилэригэр ис дууһаларыттан махтанан туран, туттардылар.
Бу үтүѳкэн тэрээһиҥҥэ кыттыыны ыллылар улууспут баһылыга Винокуров С.Н., үѳрэх салалтатын начальнига Семенова Н.М., улуустааҕы идэлээх холбоһуктар председателэ Томская П.С., Бүлүү куоратын «Сэрии сылларын оҕолоро» общественнай түмсүүтүн салайааччыта Томская Д.Н. уо.д.а.
Тэрээһини киэргэттилэр олохтоох мелодистар Платонов В.Н., Васильев А.Г., оскуолалар, детсадтар коллективтара.
Ыҥырыллыбыт ыалдьыттар дуоһуйа сынньанан, кэпсэтэн-ипсэтэн, хаартыскаҕа түһэн, астынан, махтанан алгыс тылларын анаан бардылар.
Улуустааҕы идэлээх холбоһуктар председателэ Томская П.С.
