«Za ПОБЕДУ!» оонньуулар түмүктэрэ

Муус устар 25 күнүгэр Өкүндү сүрүн оскуолатын тэрээһининэн II-ис  диэн ааттаах ыаллыы сытар оскуолалар хамаандаларыгар байыаннай-патриотическай оонньуулар үрдүк таһымҥа буолан аастылар.

Уопсайа 4 хамаанда кытынна: «Сокол» Өкүндү сүрүн оскуолата, «Бөрө Бөтүҥ» Бөкчөҥөө орто оскуолата, «Пламя» Чернышевскай орто оскуолата, «Мохсоҕоллор» Хампа орто оскуолата.

Ааспыт олох историятын кэпсиир Хохочой трагедията буолан ааспыт сиригэр анаан тутуллубут паамытынньыкка хамаандалар көрүстүлэр. Нэһилиэк баһылыга Никифор Петров, оскуола дириэктэрэ Алексей Шадрин тыл эттилэр, түмүккэ өйдөбүнньүк гирлянда уурулунна.

 Күрэхтэһии оскуола таһыгар сэттэ хайысханан барда. Бары хамаандалар толору бэлэмнээхтэрин, кыайыыга дьулуурдаахтарын көрдөрдүлэр. Күрэхтэһии иккис төгүлүн ыытыллар буолан, улахан ыарахаттары көрсүбэтилэр. Оонньуулар кэмнэригэр итии чэйдээх, армейскай хааһылаах «полевая кухня» үлэлээтэ.

Түмүк:

1 миэстэ — «Сокол» байыаннай-патриотическай кулууп, салайааччы Александр Поскачин, Өкүндү;

2 миэстэ — «Бөрө Бөтүҥ» байыаннай-патриотическай кулууп, салайааччы Максим Иванов;

3 миэстэ — «Пламя» байыаннай-патриотическай кулууп, салайааччы Владимир Протопопов.

Кыттыбыт хамаандаларга махтал!

Борис Васильев

Комментарии закрыты