Сэтинньи 28 күнүгэр, Бүлүү улууһун И. В. Яковлев аатынан Үгүлээт орто оскуолатыгар «Мин — чинчийээччибин» (алын сүһүөх үөрэнээччилэригэр) уонна «Инникигэ хардыы» (орто уонна улахан сүһүөх үөрэнээччилэригэр) билимҥэ аналлаах чинчийэр үлэлэр ааҕыылара үрдүк таһымнаахтык ыытылыннылар.
Урут-уруккуттан Үгүлээт оскуолатын үөрэнээччилэрэ араас ааҕыыларга ситиһиилээхтик кыттан, оскуолаларын, улуустарын аатын элбэхтик ааттаппыттара. Ол курдук, быйыл уопсайа 11 үөрэнээччи кытынна, ол иһигэр 4 алын кылаас, 7 орто уонна улахан сүһүөх үөрэнээччилэрэ. Ааҕыылар олус интэриэһинэй таһымнаахтык ыытылыннылар.
Оҕолорбут үлэлэрин дьүүллүүр сүбэ иннигэр дьоһуннаахтык көмүскээтилэр. Кыттыбыт үөрэнээччилэрбитигэр, салайааччыларыгар улуус иһинэн ыытыллар ааҕыыларга үрдүк таһымнаах ситиһиилэри эрэ баҕарабыт!
Семенова Хаарчаана Ивановна,
Үгүлээт орто оскуолатын саха тылын уонна литэрэтиирэтин учуутала
