Үөһээ Бүлүү улууһун общественноһын, учууталларын ааттарыттан Саха Өрөспүүбүлүкэтин Норуодунай Учууталын аатын сүкпүт Бүлүү улууһун Ытык кырдьаҕаһын Николай Иванович АФАНАСЬЕВЫ эҕэрдэлээтилэр

Үөһээ Бүлүү улууһун общественноһын, учууталларын ааттарыттан Саха Өрөспүүбүлүкэтин Норуодунай Учууталын аатын сүкпүт Бүлүү улууһун Ытык кырдьаҕаһын Николай Иванович АФАНАСЬЕВЫ аат ааттаан анаан эҕэрдэлээн кэллибит. Делегацияҕа ССРС Норуоднай Учуутала Михаил Андреевич АЛЕКСЕЕВЫ уонна СӨ Норуодунай Учууталын Василий Софронович ДОЛГУНОВЫ кытары бииргэ үлэлээбит, билигин да үлэлии сылдьар ветеран учуутал Григорий Степанович ЗОЛОТАРЕВ сылдьыста, онон үс норуодунайы кытары илии тутуспут күн бүгүн кини соҕотох буолла.

Николай Иванович Аҕа дойду сэриитин бэтэрээнэ, 10 оҕо амарах аҕата, 46 сыл тухары харыс да халбырыйбакка Бороҕон оскуолатын директорын үлэлээбит. Билигин даҕаны, 94 сааһыгар, уруучукатын араарбакка оҕону иитиигэ, үөрэтиигэ 10-с кинигэтин суруйан саҥардыы бэчээккэ биэрбит.

Санаатын биир уруок тыынынан бэрт сэргэхтик үллэһиннэ, Үөһээ Бүлүү дьонугар-сэргэтигэр тус махталын биллэрэр.

Комментарии закрыты