Ньурба куоратыгар кулун тутар 13-14 күннэригэр ыытыллыбыт “Кэскил” хаһыат Бүлүү бөлөх улуустарын эдэр кэрэспэдьиэннэрин сүлүөтэ түмүктэннэ.
Икки күн устата оҕолор видеоролик оҥорорго, хаартыскаҕа түһэрэргэ, айар үлэҕэ, лонгрид суруйууга, квест-оонньууга күрэхтэстилэр, ситиһиигэ көҕүлүүр мотивационнай лиэксийэлэри иһиттилэр, суруналыыстыка үөрүйэхтэригэр анаммыт маастар-кылаастарга дьарыктаннылар.
Ол түмүгүнэн “Түһүлгэ” баҥкыаттыыр саалаҕа наҕараадалааһын буолла. Өрөгөйдөөх тэрээһини Ньурбатааҕы драмтеатр артыыстара иилээн-саҕалаан ыыттылар (хаартыскаҕа эдкордар кинилэргэ ыйытыы биэрэ турар түгэннэрэ).
Сүлүөт кыттыылаахтара бука бары, мааны астаах остуол тула олорон, эдкордар эҕэрдэ нүөмэрдэрин көрдүлэр, оонньууга кытыннылар уонна, биллэн турар, ситиһиилээхтик кыттыбыттар чиэстэннилэр.
Анал ааттар
“Бастыҥ лидер” – Ира Николаева, “Калейдоскоп” телестудия, Ньурбатааҕы Оҕо научнай-техническэй киинэ.
“Өркөн өй” (квест-оонньуу түмүгүнэн) – Сандаара Федорова, “Кустук” пост, Күүкэй, Сунтаар.
“Саҥалыы көрүүлээх салайааччы” – Надежда Семенова (хаартыскаҕа көр), “Чинэкэ кэскилэ” пост, Чернышевскай, Бүлүү.
«Бастыҥ презентация» — «Эдкор» пост, Элгээйи, Сунтаар (фото).
“Уус-уран бастыҥ суруйуу” – Урсун Николаев, “Эрчим” пост, Дүллүкү, Үөһээ Бүлүү (фото).
“Эйэҕэс майгы” – Игорь Аммосов, “Чуораанчык” пост, Хатыы, Ньурба.
“Көхтөөх пост” – “Бараховец”, Үөһээ Бүлүү И.Барахов аатынан 1№-дээх оскуолата.
“Бастыҥ сурутуулаах пост” – “Ыллык”, Хаҥалас, Ньурба.
“Бастыҥ сырдатааччы” – Юлиана Сивцева (хаартыскаҕа сүлүөтү 2011 с. аан бастаан тэрийбит Л.П. Андреева бирииһи туттарар), “Калейдоскоп” телестудия, Ньурбатааҕы Оҕо научнай-техническэй киинэ.
“Үс Бүлүү” – Сарыал Максимов, “Эрэл” пост, Маалыкай, Ньурба.
“Эдкорпост бастыҥ салайааччыта” – “Эдкор” поһу 32 сыл салайбыт Евдокия Петровна Кривошапкина, Элгээйи, Сунтаар.
“Саҥа сүүрээн” — “Тииҥ мэйиичээн”, Чаппанда, Ньурба.
“Үрдүк көрдөрүүлээх пост” – “Калейдоскоп” телестудия, Ньурбатааҕы Оҕо научнай-техническэй киинэ.
“Айымньылаахтык үлэлиир пост” – “Ньургуһун” пост, Күндээдэ, Ньурба (хаартыскаҕа көр).
Мультимедийнай суруналыыстыка чемпионата
“Бастыҥ ис хоһоонноох сюжет” – Третьякова Юля, Петрова Олеся, “Ыллык”, Хаҥалас, Ньурба (фото).
“Бастыҥ куоластаах диктор” – Ушатова Нарыйаана, “Тымтык” пост, Ороһу, Үөһээ Бүлүү.
“Бастыҥ оператор” – Николай Будищев, “Ориентир” пост, Бүлүү 1№-дээх оскуолата.
“Бастыҥ эдэр кэрэспэдьиэн” – Мичийээнэ Кульбертинова, Ньурба.
Лонгрид суруйуу күрэҕэ
“Бастыҥ лонгрид” – Николай Федоров¸ “Ориентир” пост, Бүлүү 1 №–дээх оскуолата (фото).
“Сытыы тыллаах” – Милена Капитонова, “Объектив” пресс-киин, Ньурба 1 №-дээх оскуолата.
Сомоҕолоһуу сылыгар аналлаах “Бары бииргэ” өйтөн суруйуу
I миэстэ – Лена Алексеева, “Көмүс бөрүө”, Илбэҥэ, Бүлүү.
II миэстэ – Валентин Прокопьев, “Кустук”, Күүкэй, Сунтаар.
III миэстэ – Нарыйаана Ушатова, “Тымтык” пост, Ороһу, Үөһээ Бүлүү.
Фотокроссинг күрэҕэ
I миэстэ – “Ориентир” пост. Бүлүү 1 №-дээх оскуолата (фото)
II миэстэ — «Эрэл», Ньурба 1 №-дээх оскуолата.
III миэстэ — «Эрчим» пост, Дүллүкү, Үөһээ Бүлүү.
Сүлүөт уопсай түмүгүнэн кыайыылаах хамаандалар:
I миэстэ – “Кустук” пост, Күүкэй, Сунтаар.
II миэстэ – “Тымтык” пост, Ороһу, Үөһээ Бүлүү.
III миэстэ – “Ыллык” пост, Хаҥалас, Ньурба.
Гран-при – “Ориентир” пост (сал. М.К. Ионова). Бүлүү Г.И. Чиряев аатынан 1 №-дээх оскуолата. “Океан” лааҕыр путевкатынан наҕаарадаланна уонна сүлүөт көһө сылдьар Кубогын туттулар. Онон Бүлүү бөлөх улуустарын эдэр кэрэспэдьиэннэрин кэлэр сүлүөтэ 2021 сылга Бүлүү куоратыгар буолуоҕа.
Бүлүүгэ көрсүөххэ диэри! Оттон бу сүлүөтү тэрийбит, бириис бөҕөтүн тэрилтэлэртэн булбут, үрдүк таһымҥа ыыппыт Ньурбатааҕы Оҕо научнай-техническэй киин үлэһиттэригэр, чуолаан «Калейдоскоп» телестудия салайааччыта Элен Евгеньевна Федороваҕа уонна дириэктэр Альбина Семеновна Ермолаеваҕа улаханнык махтанабыт!
