«ϴй. Билии. Толкуй.» интеллектуальнай күрэх түмүгэ

2018 сыл сэтинньи 21 күнүгэр Бүлүү куоракка, Олоҥхо дьиэтигэр саха норуотун чулуу уола, саха литературатын классик-суруйааччыта, саха советскай литературатын тѳрүттээччи, поэт, прозаик, драматург, бѳдѳҥ общественнай-политическай деятель Платон Алексеевич Слепцов-Ойуунускай тѳрѳѳбүтэ 125 сылыгар аналлаах «Дьулуруйар Ньургун Боотур» олоҥхонон Бүлүү улууhун оскуолаларын оҕолоругар хамаанданан «ϴй.  Билии. Толкуй.» интеллектуальнай күрэх ыытылынна. Бу күрэҕи иккис сылын И.Л. Кондаков аатынан Бүлүүтээҕи гимназия коллектива тэрийэн ыытта. Ааптардар: Томская В.П., Афанасьева А.В.

Күрэх П.А. Слепцов-Ойуунускай олоҕун, айар үлэтин үүнэр ыччакка тиэрдии, «Дьулуруйар Ньургун Боотур» олоҥхону ааҕарга, үѳрэтэргэ кэрэхсэбили үѳскэтии, тѳрѳѳбүт тылга, литератураҕа билэр-кѳрѳр баҕа санааны олохсутуу сыаллаах-соруктаах ыытылынна.

Барыта Бүлүү улууhун оскуолаларыттан 7 хамаандалар кытыннылар (8-11 кыл.). Хамаандалар биэстии оҕолоохтор.

Күрэх ис хоhооно:

  1. Хамаандалар бэйэлэрин билиhиннэриилэрэ — 2 мун.
  2. Ойуунускай олоҕун, айар үлэтин билиигэ блиц-турнир.
  3. «Дьулуруйар Ньургун Боотур» олоҥхонон оонньуу: олоҥхо теорията, ис хоhооно, персонажтар, быhа тардыылар, айыылар, тыл-ѳс ѳйдѳбүлэ, хартыыналар, бухатыыр ата уо.д.а.
  4. Соhуччу сорудахтар.
  5. Капитаннар курэхтэрэ.

 

Дьүүллүүр сүбэҕэ Бүлүү улууhун баhылыгын социальнай боппуруоска солбуйааччы Кононова Л.Я., В.О. Каратаев аатынан Олоҥхо дьиэтин дириэктэрэ Степанова Т.П., күрэх ааптардара Томская В.П., Афанасьева А.В. үлэлээтилэр.

Түмүккэ I миэстэни С.Ф. Гоголев аатынан Хампа орто оскуолатын хамаандата ылла. II миэстэни Г.И. Чиряев аатынан Бүлүү 1 №-дээх орто оскуолатын хамаандата ылла. III миэстэни ылла И.А. Быканов аатынан Халбаакы орто оскуолатын хамаандата.

Кыайыылаахтар I, II, III истиэпэннээх дипломнарынан наҕараадаланнылар. Салайааччылар махтал сурук туттулар. Бары кыттыбыт хамаандаларга уонна биирдиилээн кыттааччыларга туоhу сурук бэрилиннэ. Саамай элбэх сѳптѳѳх эппиэти биэрбит оҕолорго анал биhирэбил сурук туттарылынна.

Быйыл кыайыылаах хамаандаҕа кѳhѳ сылдьар чороон туттарылынна.

Комментарии закрыты