«Төрөппүт сүрэҕин сылааһынан» («Тепло родительской любви») улуустааҕы төрөппүт Академията үлэтин саҕалаата

Бүлүү куоратын Г.С. Донской аатынан (норуокка биллэринэн Бэстээҕи оскуола) №2 оскуолаҕа Саха республикатын оскуолаларын үтүөлээх учуутала Иван Александрович Иванов оскуоланы салайар кэмигэр, 2008 сыллаахха Оксана Николаевна Михайлова иилээн-саҕалаан  төрөппүтү, оҕону иитии, үөрэтии, сайыннарыы, төрөппүт оҕону кытта сыһыаннаһыытыгар сөптөөх суолу тобуларга, сокуоннай саастарын ситэ илик оҕолор буруйу оҥорууларын сэрэтэр сыаллаах «Төрөппүт сүрэҕин сылааһынан» («Тепло родительской любви») улуустааҕы төрөппүт Академията 4 кафедранан айымньылаахтык үлэтин саҕалаабыта.

Төрөппүт Академиятын үлэтин өйөөччүлэринэн буолбуттара:  Саха республикатын Президенин иһинэн үлэлиир Дьиэ кэргэн, оҕо-аймах Комитетын председателэ Алексей Егорович Сергучев, Саха республикатын оҕо быраабын көмүскүүр болуномуочунайа Анна Афанасьевна Соловьева, Бүлүү улууһун үөрэҕин салалтатын начальнига Семен Викторович Иванов, Бүлүү улууһун төрөппүт Комитетын председетелэ Алексей СпиридоновичЯковлев, Бүлүү улууһун дьаһалтатын иһинэн үлэлээбит дьиэ кэргэн, оҕо-аймах отделын салайааччыта Тамара Прокопьевна Степанова, Бүлүү улууһун общественноһа.

Бу дьыл сэтинньи 1 күнүгэр дьиэ кэргэҥҥэ оҕону иитии, сайыннарыы боппуруостарыгар оскуола, төрөппүт,  общественность бииргэ үлэлээһиннэрин ситимниир сыаллаах «Төрөппүт сүрэҕин сылааһынан» (“Тепло родительской любви”) улуустааҕы төрөппүт Академиятын үлэтин сөргүтэн, бастакы дьарык Олоҥхо дьиэтигэр буолан ааста. Онно барыта 87 төрөппүт кыттыыны ылла.

Улуустааҕы төрөппүт Академиятын улэтин саҕалаабытынан мустубут дьону Бүлүү улууһун үөрэҕириитин начальнига, педагогическай наука кандидата Наталья Михайловна Семенова эҕэрдэлээтэ.

Бүлүү улууһун (оройуона) муниципальнай оройуон баһылыгын социальнай боппуруоска солбуйааччыта Луиза Яковлевна Кононова махтал суругу  Булуу куоратын иккис нүөмэрдээх Г.С. Донской аатынан оскуола иитэр үлэҕэ директоры солбуйааччынан үлэлии сылдьыбыт Саха республикатын үөрэҕириитин туйгунугар Е.Н. Сотрудниковаҕа уонна улуус төрөппуттэрин председателинэн ситиһиилээхтик өр кэмнэргэ үлэлии сылдьыбыт А.С.Яковлевка туттарда.

Улуустааҕы төрөппүт Академията 4 кафедранан үлэлээтэ: «Правовой иитии», «Уйулҕа үөрэҕэ», «Чөл, доруоба олох», «Сиэр-туом».

Николаева А.А., ЦДиК салайааччыта

Комментарии закрыты