Нина Иннокентьевна Протопопова аатынан Бүлүүтээҕи «Кэскил» оҕо киинигэр Саха сирин пионериятын 94 сылыгар уонна Ленинскэй комсомол 100 сылыгар аналлаах пионерскай сбор ыытылынна.
Бүлүүгэ ыытыллыбыт пионердар сбордарыгар араас көлүөнэ баһаатайдар кыттыыны ыллылар. Степан Аржаков аатынан холбоһуктаах этэрээт баһаатайдара маршировкалаан сыанаҕа киирдилэр, этэрээт командира старшай баһаатайга Наталья Дмитриевна Алексееваҕа рапорт биэрдэ.
Бу көрсүһүүгэ араас сылларга улуус оскуолаларыгар пионер-баһаатайдарынан үтүө суобастаахтык үлэлээбит, билигин педагогическай үлэ бэтэрээннэрэ М.П.Веревкина, Д.Н.Томская, Н.А.Попова, М.П.Николаева уо.д.а. бааллар. В.С.Николаев салайааччылаах «Ыллык» түмсүү чилиэннэрэ эмиэ көхтөөхтүк кытыннылар.
Ураты истиҥ-иһирэх эйгэлээх пионерскай сборга тыл эттилэр: Н.Д.Алексеева, Д.Ф.Павлова, «Горячие сердца» педагогическай этэрээт, оҕо хамсааһынын эдэр педагогтара уо.д.а. Араас көлүөнэ баһаатайдар пионердары кытта үлэлээбит кэмнэрин ахтан-санаан аастылар. «Пионерия в моей семье» диэн хаартыска куонкуруһун түмүгэ таһаарылынна.
Ааптар Николай Федоров.
