Дуобат хамаанданан турнирын Балаһыанньата

“Бэлэм буол” (билиҥҥи “Кэскил”) хаһыат сэрии кэнниттэн иккистээн тахсыбыта 60 сылынан, бу хаһыакка 50-тан тахса сыл кылаабынай редактордаабыт Нина Иннокентьевна Протопопова төрөөбүт-үөскээбит дойдутугар – Чернышевскай С.М. Васильев аатынан орто оскуолатыгар –Бүлүү улууһун оскуолаларын эдэр кэрэспэдьиэннэрин сүлүөтүн чэрчитинэн дуобакка хамаанданан күрэх ыытыллар.

Буолар кэмэ: муус устар 17-18 күннэрэ, оскуола саалата.

Регистрация: муус устар 17 күнүгэр сарсыарда 9 чаастан 10 чааска диэри.

Кимнээх кытталлара: улуус хайа баҕарар оскуолатын хамаандата 4 оонньооччулаах.

I дуоска – I-II кылаас үөрэнээччитэ;

II дуоска – III-V кылаас үөрэнээччитэ;

III дуоска – VI-VIII кылаас үөрэнээччитэ;

IV дуоска – IХ-ХI кылаас үөрэнээччитэ.

Кыыһа-уола тутулуга суох.

Чернышевскай оскуолата, турниры тэрийээччи быһыытынан, үс хамаанданы, атын оскуолалар иккилии хамаанданы туруораллара көҥүллэнэр. Хас биирдии оскуола салайааччы тренердээх буолуохтаах.

Оонньуу тутула:  биир партияҕа 30 мүн. бэриллэр. Улахан оҕолорго чаһы туттуллуон сөп. Оннук түгэҥҥэ биир оонньооччуга 15 мүн. бэриллэр.

Түмүгү таһаарыыга очукуо тэҥнэһиитигэр ким төһө күүстээҕи кыайбыта аахсыллар.

Сүрүн ирдэбил: хас биирдии оонньооччу “Кэскил” эбэтэр “Юность Севера” хаһыакка 2018 сыл I аҥаарыгар суруйтарыылаах буолуохтаах. Билигин хас биирдии почтаҕа үс ыйдаах (муус устар, ыам ыйа, бэс ыйа) суруйтарыыны ылаллар.  Суруйтарбытын туоһулуур квитанцияны регистрация кэмигэр тренер көрдөрөр. Суруйтарыыта суох оонньооччу күрэхтэһиигэ киирбэт.

Хас биирдии оонньооччу регистрация кэмигэр сүлүөккэ кыттарын иһин 100 солк. төлүүр. Ол харчы түмүккэ оскуола дьаһалтатыгар бу икки күннээҕи электричество, уу төлөбүрүгэр бэриллэр. Ону таһынан  хамаанда эмиэ регистрация кэмигэр 250 солк. төлүүр. Бу харчы “Кэскил” редакциятыгар бириискэ анаан киирэр.

Хамаанда элбэҕиттэн көрөн, 1-кы күн 5 туур, 2-с күн 4 туур ыытыллыа.

Кыайыылаахтары наҕараадалааһын: I, II, III миэстэни ылбыт хамаандалар “Кэскил” хаһыат редакциятын Кубогынан, бу үс хамаанда хас биирдии оонньооччута мэтээлинэн, грамотанан, анал бирииһинэн наҕараадаланыа. Оскуола салалтата дуоскаларыгар бастаабыт 4 оҕоҕо бириис аныаҕа.

Күрэхтэһии кылаабынай судьуйата:  “Кэскил” хаһыат отделын редактора, СӨ култууратын үтүөлээх үлэһитэ, ССРС спордун маастарыгар кандидат Анатолий Николаевич Павлов-Дабыл.

Күрэхтэһиини тэрийсээччи: Чернышевскай оскуолатын тренерэ Владимир Михайлович Михайлов (төл. 89644280807).

Дуобат турнирын кыттааччыта сүлүөт атын тэрээһигэр кыттыан сөп. Сүлүөт кэмигэр остолобуой үлэлиэ, араас тэрээһиннэр ыытыллыахтара.

Бу Балаһыанньа турнирга ыҥырыынан буолар.

 

Комментарии закрыты